متعدد افراد نامعلوم بیماری کے شکار

جموں و کشمیر کے ضلع بانڈی پورہ کے الوسہ علاقہ میں چونٹھی واری نامی بستی میں کئی لوگ ایک ساتھ بیمار پڑ گئے ہیں جس کی وجہ سے مقامی آبادی میں کافی تشویش پائی جا رہی ہے۔

مقامی لوگوں کے مطابق ہر ایک کنبے کا کوئی نہ کوئی فرد بیمار ہے اور انھیں شک ہے کہ علاقے میں کوئی پراسرار بیماری پھوٹ پڑی ہے دریں اثناء محکمہ صحت نے علاقے کی جانب ٹیم روانہ کرکے لوگوں کا علاج و معالجہ شروع کر دیا ہے۔

ایک مقامی شخص نے بتایا کہ یہ نہ جانے کون سی بیماری ہے جس میں لوگ چل نہیں پا رہے ہیں۔ وہ جیسے ہی چلنا شروع کرتے ہیں وہ چکر کھا کر گر جاتے ہیں۔