شمالی کشمیر کے ضلع بانڈی پورہ کے شادی پورہ میں واقع بن پورہ مقام کوڑے کرکٹ اور گندگی کا مرکز بن گیا ہے۔
شادی پورہ کے مقامی لوگوں نے شکایت کی ہے کہ کچھ لوگ روزانہ کھلے میں کوڑا کرکٹ ڈالتے ہیں جس کی وجہ سے بیماریوں کے پھوٹ پڑنے کا امکان ہے۔
شادی پورہ کے مقامی لوگوں نے ای ٹی وی بھارت کو بتایا کہ وہ اس عمل سے کافی تنگ آچکے ہیں اور یہاں سڑک پر چلنا پھرنا دشوار ہورہا ہے کیونکہ گندگی کی وجہ سے بدبو دور دور تک پھیل رہی ہے۔
انہوں نے بلاک ڈیولپمنٹ ڈپارٹمنٹ سے اپیل کی ہے کہ اس جگہ پر مٹی ڈالی جائے تاکہ لوگ اس میں مزید گندگی ڈالنے سے گریز کرسکیں۔
غلام حیدر نامی ایک مقامی شخص نے ای ٹی وی بھارت کو بتایا کہ ایک طرف کورونا وائرس کی لہر ملک بھر میں جاری ہے جس کو لیکر صاف صفائی کے احکامات ہر دن جاری کئے جاتے ہیں لیکن کچھ غیر مہذب لوگ روزانہ یہاں کھلے آسمان تلے گندگی اور کوڑا کرکٹ ڈالتے ہیں۔ جس کی وجہ سے یہ اسپاٹ کوڑے کی آماجگاہ بن گیا ہے۔
انہوں نے کہا کہ وہ چاہتے ہیں کہ اس جگہ کی صاف صفائی کے علاوہ اس جگہ کو مٹی سے ڈھک دیا جائے تاکہ مزید آئندہ انہیں اس مشکل سے راحت مل سکے۔
