گراں فروشی، ذخیرہ اندوزی اور ایکسپائر اشیا فروخت کرنے والے دکانداروں کے خلاف کارروائی کرتے ہوئے ضلع بانڈہ پورہ کے تحصیلدار سمبل، متعلقہ پولیس اور لیگل میٹرالجی محکمہ کے عہدیداروں پر مشتمل ایک ٹیم نے سمبل مارکیٹ کا دورہ کیا۔
بانڈی پورہ: سمبل سوناواری میں انتظامیہ کی جانب سے مارکیٹ چیکنگ
ٹیم نے جمعہ کو سمبل کالونی اور مین بازار سمبل میں دکانداروں کی چیکنگ عمل میں لائی۔ اس دوران افسران نے کئی دکانداروں سے ایکسپائر اشا ضبط کر کے انہیں موقع پر ہی ضائع کر دیا۔ اس کے علاوہ گراں فروشی کے مرتکب پائے گئے دکانداروں سے جرمانہ بھی وصول کیا گیا۔
ذرائع ابلاغ کے نمائندوں سے بات کرتے ہوئے تحصیلدار سوناواری نے بتایا کہ مستقبل میں بھی غیر معیاری غذائی اجناس کے خلاف کارروائی جاری رہے گی۔
انہوں نے دکانداروں سے انتظامیہ کی جانب سے مقرر کئے گئے نرخوں کے حساب سے ہی اشیاء فروخت کرنے کی اپیل کی۔
