شلوت سوناواری میں جمعرات کے روز فوج کی مدد سے غرقاب محمد شفیق کی لاش جہلم سے برآمد کر لی گئی۔
دراصل 15 سالہ محمد شفیق راجوری کے کالا کوٹ کے رہنے والا تھا اور اپنے اہل خانہ کے ہمراہ شلوٹ میں چیک داری کے غرض سے مقیم تھے۔
غرقاب لڑکے کی لاش برآمد
بدھ کے روز شفیق اپنے بھائی کے ساتھ جہلم میں نہانے کے لیے اترا تھا۔ اسی دوران شفیق کا چھوٹا بھائی کفیل جھلم میں ڈوبنے لگا اور شفیق اپنے چھوٹے بھائی کفیل کو بچانے نکلا، کفیل تو بچ گیا، لیکن شفیق جہلم میں غرقاب ہو گیا۔
شفیق کی لاش نہ ملنے کے بعد فوج کی جانب سے میرین کمانڈروز کی ٹیم بلائی گئی تھی جس کے بعد قریب 24 گھنٹوں کے بعد شفیق کی لاش کو جہلم سے برآمد کیا گیا۔
