ضلع بانڈی پورہ کے اوڈینہ، سوناواری علاقے کے لوگوں نے محکمۂ بجلی کے سمبل ڈویژن آفس کے باہر احتجاجی مظاہرہ Protest Against PDD کیا۔
احتجاج میں شامل لوگوں کا کہنا تھا کہ ان کے علاقے میں بجلی ٹرانسفارمر مسلسل خراب ہو جاتا ہے جس کی وجہ سے علاقے کے لوگ اندھیرے میں زندگی گزارنے پر مجبور Electricity Curtailment irks residentsہوجاتے ہیں۔
انہوں نے دعویٰ کیا کہ وہ پچھلے ایک ماہ سے مسلسل بغیر بجلی کے زندگی گزار رہے ہیں جب کہ وہ بجلی فیس وقت پر ادا کرتے ہیں۔
احتجاج کر رہے لوگوں نے متنبہ کیا کہ جب تک ان کا مسئلہ حل نہیں کیا جاتا تب تک وہ احتجاج جاری رکھیں گے۔
برفباری اور سخت سردی کے بیچ احتجاج کر رہے لوگوں نے الزام عائد کرتے ہوئے کہا کہ محکمۂ بجلی کی جانب سے انہیں ناقص ٹرانسفارمر مہیا کیا جاتا ہے جو آئے روز خراب ہو جاتا ہے نتیجتاً کثیر آبادی کو بغیر بجلی کے سرد ایام میں دقتوں کا سامنا کرنا پڑ رہا ہے۔
ادھر اس ضمن میں ای ٹی وی بھارت نے متعلقہ محکمہ کے ایگزیکٹو انجینئر سے اس بارے میں رابطہ کیا تو انہوں نے یقین دہانی کی کہ جلد ہی اڈینہ علاقے میں بجلی کی عدم دستیابی کا مسئلہ حل کیا جائے گا۔
