حاجن سونا واری میں پینٹنگ مقابلے کا اہتمام

شمالی کشمیر کے ضلع بانڈی پورہ کے شاہ گنڈ سوناواری علاقے میں فوج کی جانب سے مہاتما گاندھی کے یوم پیدائش پر ایک پینٹنگ مقابلہ کا انعقاد عمل میں لایا گیا جس میں درجنوں اسکولی طلباء نے مختلف موضوعات ہر پینٹنگ کی صورت میں اپنے فن کا مظاہرہ کیا۔

تفصیلات کے مطابق 13 راشٹریہ رائفلز کی جانب سے شاہ گنڈ سوناواری میں مقیم فوجی کیمپ میں اس پینٹنگ مقابلہ کا اہتمام کیا گیا۔

پینٹنگ مقابلے میں ضلع بانڈی پورہ سے وابستہ درجنوں اسکولی طلبا و طالبات نے حصہ لیا- طلبا کے علاوہ علاقے سے وابستہ مختلف بااثر شخصیات بھی اس موقع پر وہاں موجود تھیں ۔اس مقابلہ کا مقصد طلبا کے درمیان پینٹنگ فن کے تئیں دلچسپی پیدا کرنا ہے۔ اس دوران بہترین پینٹنگ کا مظاہرہ کرنے والے طلبا کو انعامات سے نوازا گیا-

اس موقع پر بات کرتے ہوئے ایک طالب علم نے بتایا کہ ان کے علاقے میں اس نوعیت کا پہلا ایسا پروگرام منعقد ہوا ہے جس میں انہوں نے حصہ لیا اور وہ اس پروگرام کو لیکر کافی خوش نظر آرہے تھے انہوں نے امید ظاہر کی کہ مستقبل میں بھی ایسے پروگراموں کا انعقاد کیا جانا چاہئے تاکہ دور دراز علاقوں سے تعلق رکھنے والے طالب علم اپنی صلاحیتوں کو منظر عام پر لا سکے۔