واٹر پلانٹ ہنوز ناکارہ

شمالی ضلع بانڈی پورہ کے سودنارہ، سمبل علاقے میں چار برس قبل ’’واٹر سپلائی پلانٹ‘‘ تعمیر کیا گیا، تاہم آج تک اسے شروع ہی نہیں کیا گیا۔

لوگوں کا کہنا ہے کہ واٹر سپلائی پلانٹ مکمل طور پر تیار ہے لیکن اس کے باوجود اسے شروع نہیں کیا جا رہا ہے۔

ادھر علاقے میں لوگوں کو پانی کی قلت کا بھی سامنا کرنا پڑ رہا ہے ’’اگر اسے شروع کیا جاتا لوگوں کو پینے کے پانی کے حوالے سے جو مشکلات ہیں ان کا ازالہ ہو جاتا۔‘‘

مقامی لوگوں نے ای ٹی وی بھارت کو بتایا کہ انہوں نے اس حوالے سے کئی بار اعلیٰ حکام سے بات کی کہ ’’اگر تعمیر کا کام چار سال قبل مکمل ہو چکا ہے پھر اس پلانٹ کو چالو کرنے میں اس قدر لیت و لعل کا کیا فائدہ ہے۔‘‘

مقامی آبادی کا کہنا ہے کہ اعلیٰ حکام دو دن، ایک ہفتے کا بتا کر اب تک چار سال میں اسے چالو نہیں کر پائےْ

اس حوالے سے مقامی لوگوں نے متعلقہ حکام سے مطالبہ کیا ہے کہ واٹر پلانٹ کو فوراً شروع کیا جائے۔