آندھرا پردیش میں گھرواپسی کے لیے مزدورں کا احتجاج

ریاست آندھرا پردیش کے شہر راجہ مہیندرپورم میں بہار، جھارکھنڈ اور چھتیس گڑھ وغیرہ ریاستوں سے تعلق رکھنے والے مزدوروں نے ہزاروں کی تعداد میں جمع ہوکر احتجاج کیا۔

آبائی مقامات پر روانہ کرنے کامطالبہ کرتے ہوئے اے پی کے راجہ مہیندراورم میں بہار،جھارکھنڈ، چھتیس گڑھ ریاستوں کے نقل مکانی کرنے والے مزدوروں نے احتجاج کیا۔

تقریبا 400مزدورجمع ہوئے، جنہوں نے حکومت کے خلاف احتجاج شروع کردیا۔

کورونا وائرس کی روک تھام کے لئے نافذ کردہ لاک ڈاون کے دوران مشرقی گوداوری ضلع کے راجہ مہیندراورم کی ننیا یونیورسٹی میں قائم کردہ بازآبادکاری مرکز میں یہ مزدور قیام کئے ہوئے ہیں۔

یہ مزدور بدھ کو ننیا یونیورسٹی سے راجہ مہیندراورم ریلوے اسٹیشن پہنچے۔

راجہ نگرم،راجہ مہیندراورم کی پولیس نے ان کو روکنے کی کوشش کی جس پر ان مزدوروں نے مطالبہ کیا کہ ٹرینوں کے ذریعہ ان کو آبائی مقام بھیجا جائے۔

اس موقع پر عہدیداروں نے ان سے کہا کہ موجودہ حالات میں ٹرین کاانتظام ممکن نہیں ہے، اس کے لئے انہیں کچھ وقت دیاجائے تاہم اس کے باوجود ان مزدوروں نے اپنا احتجاج جاری رکھا۔