کورونا کا خوف، خاندان نے 15ماہ تک خود کو گھر میں بند کر لیا

کورونا کے خوف سے ایک خاندان نے خود کو تقریبا 15ماہ تک گھر میں بند کرلیا۔ یہ واقعہ آندھراپردیش کے مشرقی گوداوری ضلع کے کوڈالی گاؤں میں پیش آیا۔ گاؤں کے سرپنچ سی گروناتھ کے مطابق تین افرادنے خود کو تقریبا 15ماہ سے اپنے مکان میں محدود کرلیا۔ان کے ایک پڑوسی کی کووڈ سے موت ہوگئی تھی جس کے بعد سے ان تمام نے خود کو اپنے مکان میں محدود کرلیا۔

یہ واقعہ اُس وقت منظرعام پر آیا جب گاوں کا ایک والنٹر سرکاری اسکیم کے تحت ان کومکان کا پلاٹ الاٹ کرنے ان کی انگلیوں کے نشان حاصل کرنے کے لئے پہنچا۔اس والنٹر نے اس بات کی شکایت گاوں کے سرپنچ اور دوسروں سے کی۔گروناتھ نے کہا کہ چیٹوگالابینی، اس کی بیوی اور دوبچے یہاں رہتے ہیں۔یہ تمام کوویڈ سے خوفزدہ تھے جنہوں نے تقریبا 15ماہ تک خود کو گھر میں بند کرلیا ۔اور اندر سے مکان کو قفل ڈال لیا۔

آشاورکر یا کوئی اور والنٹرجو ان کے گھر جاتے، واپس ہوجانے پر مجبور ہوتے کیونکہ دروازہ کھٹکھٹانے پر اس کاکوئی جواب نہیں دیاجاتا۔حال ہی میں ان کے بعض رشتہ داروں نے بتایا کہ تین افراد نے مکان میں خود کو بند کرلیا ہے۔ اور ان کی صحت خراب ہے۔اس معاملہ کی اطلاع پولیس کو دی گئی جس نے وہاں پہنچ کر اس خاندان کو بچایا۔ان کی حالت کافی خراب تھی۔ان کے بال بڑھ گئے تھے۔ان افراد نے کئی دنوں سے نہایا بھی نہیں تھا۔

ان تمام کو فوری طور پر سرکاری اسپتال منتقل کردیا گیا۔ جہاں ان کاعلاج کیا جارہا ہے۔ سرپنچ کے مطابق اگر یہ خاندان اسی طرح آئندہ تین ماہ زندگی گزارتا تواس خاندان کی موت یقینی تھی۔انہوں نے کہاکہ والنٹر کو اس خاندان نے کہا کہ اگروہ گھر سے نکلے تو ان کی موت ہوجائے گی۔

یو این آئی