پانی سے چلنے والی چکّی زوال پذیر کی شکار کیوں؟

پن چکی جسے کشمیری میں ’آبہء گریٹھ‘‘ کہتے ہیں، پانی کے تیز بہاؤ اور پریشر سے چلتی ہے۔ ماضی میں وادی کے ہر علاقے میں روایتی چکّیاں ہوا کرتی تھیں، لیکن اب یہ قدیم ثقافت محض کتابوں کے اوراق تک ہی محدود رہنے والی ہے۔Traditional water chakki In Kashmir

بجبہاڑہ: دور حاضر میں نہ صرف ملکی سطح پر بلکہ عالمی سطح پر نئی ٹیکنالوجی کا بے تحاشا استعمال ہو رہا ہے۔ وہیں وادی کشمیر میں آج بھی پُرانی روایت برقرار ہے، جموں و کشمیر کے دیہی علاقوں میں آج بھی لوگ پانی سے چلنے والی چکّی جسے مقامی زبان میں(آبہء گریٹھ‘) کہتے ہیں سے مکئی، چاول، گندم اور دیگر کئی چیزوں کو پسواتے ہیں۔

وادی کی ثقافت میں ویسے تو کئی اہم چیزیں شامل ہیں، جس میں روایتی چکّی کو بھی ایک اہم مقام حاصل تھا۔ پُرانی روایتی چکّی کشمیر کی ثقافت کا ایک اہم حصہ رہا ہے۔ ماضی میں وادی کے ہر علاقے میں روایتی چکّی ہوا کرتی تھی۔ وادی کے اکثر لوگ روایتی چکیوں پر گندم، مکئی، دالیں اور مرچ جیسی ایشیاء سمیت دیگر کئی چیزیں پیسواتے تھے۔

قدیم زمانے میں کشمیر میں زراعت ایک اہم پیشہ تھا۔ لوگ اپنے کھیتوں میں شالی ،گندم، مکئی سمیت مختلف دالوں کی کاشت کیا کرتے تھے۔ ان فصلوں کو پیسنے کے لیے لوگ روایتی چکیوں کا استعمال کرتے تھے۔ پُرانی روایتی چکیوں کی اپنی ایک الگ اہمیت مانی جاتی ہے۔ ان چکیوں پر پیسا ہوا آٹا لذیذ ہونے کے ساتھ ساتھ صحت کے لئے مفید مانا جاتا تھا، کیونکہ گھراٹ سے پسے ہوئے آٹے یا دیگر ایشیاء خوراک میں کسی بھی قسم کی کوئی بھی ملاوٹ نہیں ہوتی تھی۔

پانی سے چلنے والی روایتی چکّی قدرتی ساز و سامان سے تیار کی جاتی ہے، جس میں دو بھاری پتھروں کو متوازی رکھ کرایک اُوپر دوسرا پتھر رکھ کر پانی کے تیز بہاو کی مدد سے گھمایا جاتا ہے، جس سے ہاتھ سے بنی اس مشین میں مختلف چیزوں کو نہایت ہی آسانی سے پیس کر اسے نامیاتی پوڈر کی شکل میں تبدل کر دیتی ہے۔