Vehicle Plunges into Gorge اننت ناگ میں گاڑی لڑھکنے سے چھ مسافر زخمی

اننت ناگ کے سریگفوارہ علاقے میں جمعرات کے روز ایک مسافر بردار گاڑی سڑک سے لڑھک کر نالہ میں جاگری۔ اس حادثہ میں چھ افراد زخمی ہوئے ہیں، جنہیں علاج ومعالجہ کی خاطر نزدیکی ہسپتال منتقل کیا گیا۔زخمیوں میں سے دو کی حالت نازک بنی ہوئی ہےجنہیں جی ایم سی اننت ناگ منتقل کیا گیا۔

اننت ناگ:جنوبی ضلع اننت ناگ کے سریگفوارہ علاقے میں جمعرات کے روز ایک مسافر بردار گاڑی ڈرائیور کے قابو سے باہر ہوکر نالہ میں جاگری۔ گاڑی میں سوار چھ افراد کو زخمی حالت میں علاج ومعالجہ کے لیے نزدیکی ہسپتال منتقل کیا گیا۔ ذرائع نے بتایا کہ کے کلان سریگفوارہ اننت ناگ میں ایک مسافر بردار گاڑی زیر نمبر JK03A-4763 ڈرائیور کے قابو سے باہر ہوکر نالہ میں گر گئی۔گاڑی میں سوار چھ مسافر زخمی کو فوری طور علاج ومعالجہ کی خاطر نزدیکی ہسپتال منتقل کیا گیا۔زخمیوں میں سے دو کی حالت نازک بنی ہوئی ہے۔

زخمی مسافروں میں سے چار کی شناخت فریدہ بیگم زوجہ فاروق احمد ڈار، منتظر احمد بٹ، حاجرہ بانو زوجہ گل محمد وانی اور غلام حسن وگے کے طور پر ہوئی ہے۔زخمیوں کو ایس ڈی ایچ بجبہاڑہ منتقل کیا گیا جہاں سے ان میں سے دو کو ترجیحی علاج کے لیے جی ایم سی اننت ناگ منتقل کیا گیا۔پولیس نے معاملے کی نسبت سے کیس درج کرکے مزید تحقیقات شروع کی۔