اننت ناگ میں چوری کی بڑھتی واردات، عوام برہم

اننت ناگ کے ایک دکاندار رضوان کا کہنا ہے کہ دکانوں کے پاس پولیس اسٹیشن اور ہسپتال موجود ہے۔ اتنی سکیورٹی ہونے کے باوجود چوری کی وارداتیں پیش آ رہی ہیں۔

اننت ناگ میں آئے روز دکانوں اور مکانوں میں چوری کی وارادتیں سامنے آرہی ہیں۔ حال ہی میں چوروں نے ریشی بازار میں بسم اللہ سویٹس کی دو دکانوں کے شٹر توڑ کر اندر سے نقدی و باقی سامان چرا لیے۔ جس کے بعد علاقے میں تشویش کا ماحول ہے۔

وہیں، دکان کے مالک رضوان کا کہنا ہے کہ دکانوں کے پاس پولیس اسٹیشن اور ہسپتال موجود ہیں۔ اتنی سکیورٹی ہونے کے باوجود چوری کی وارداتیں پیش آ رہی ہیں۔ انہوں نے انتظامیہ سے اپیل کے کہ چوروں کا جلد سراغ لگایا جائے۔

ضلع کے متعدد علاقوں سے چوری کی وارداتوں میں اضافے کی وجہ سے عوام میں تشویش پائی جارہی ہے۔ چور رات کے اندھیرے میں نقدی کے ساتھ ساتھ مال مویشی بھی چرا رہے ہیں۔