تیندوے کی موجودگی سے آبادی خوف زدہ

جنوبی کشمیر کے ملنگپورہ اونتی پورہ میں ایک تیندوے کی موجودگی کے بعد آبادی تشویش میں مبتلا ہو گئی ہے۔

مقامی لوگوں کے مطابق یہ تیندوا عشاء کی نماز کے بعد مقامی ایگریکلچر سینٹر کے قریب دیکھا گیا جسکے بعد عوامی حلقوں میں شدید خوف و ہراس پھیل گیا ہے۔

اب مقامی لوگوں نے ایک دوسرے کو صبح سویرے گھروں سے باہر نہ نکلنے کی صلاح دی ہے۔

واضح رہے کہ اس علاقے میں اس سے قبل بھی کئی بار جنگلی جانوروں کو دیکھا گیا تاہم محکمہ وائلڈ لایف کی خاموشی سے عوام پریشان ہے۔