اننت ناگ: جنوبی کشمیر کے ضلع اننت ناگ کے آرونی بجبہاڑہ میں گزشتہ ہفتہ عسکریت پسندوں کی فائرنگ کے بعد گولی مار کر زخمی ہونے والے دو غیر مقامی مزدوروں میں سے ایک مزدور جمعہ کے روز زخموں کی تاب نہ لاتے ہوئے چل بسا۔ ہلاک ہونے والے مزدور کی شناخت اترپردیش گورکھپور کے چھوٹو پرساد کے طور پر ہوئی ہے۔Non Local Labourer Succumbs
واضح رہے کہ 12 نومبر کو رکھ مومن آرونی کے علاقے میں عسکریت پسندوں نے دو غیر مقامی مزدوروں کو گولی مار کر زخمی کر دیا تھا اور دونوں کو علاج و معالجہ کے لئے نزدیکی ہسپتال منتقل کیا گیا تھا۔ تاہم چھوٹو رام کی نازک حالت کو دیکھتے ہوئے اسے صورہ سکمز منتقل کیا گیا جہاں اس نے دم توڑ دیا۔
مزید پڑھیں: Non Local Labourers Shot in Anantnag اننت ناگ میں مشتبہ عسکریت پسندوں کی فائرنگ سے دو غیر ریاستی مزدور زخمی
واضح رہے کہ 03 نومبر کو اننت ناگ میں عسکریت پسندوں کے حملے میں دو غیر ریاستی مزدور زخمی ہو گئے تھے۔ ان میں سے ایک زخمی مزدور نے 16 نومبر کو سکمز (SKIMS) صورہ میں زخموں کی تاب نہ لاتے ہوئے چل بسا۔ مرنے والے مزدور کی شناخت 42 سالہ تل بہادر تھاپا ولد گمن سنگھ ساکن نیپال کے طور پر کی گئی ہے۔ Anantnag Militant Attack
