صوفی یوسف نے کہا کہ جموں کشمیر میں حد بندی ہونے کے بعد جب انتخابات ہونگے تو یو ٹی کا پہلا وزیر اعلیٰ اور نائب وزیر اعلیٰ بی جے پی کا ہی ہوگا۔
بی جے پی کے نائب ریاستی صدر صوفی یوسف نے ضلع اننت ناگ کے سری گفوارہ میں پارٹی کار کنان اور عہدیداران کے ساتھ منعقدہ ایک اجلاس کے بعد میڈیا سے بات کرتے ہوئے کہا کہا کہ یو ٹی کا پہلا وزیر اعلیٰ اور نائب وزیر اعلیٰ بی جے پی کا ہی ہوگا۔
اجلاس میں سینیر لیڈر لطف خان بی ڈی سی چیئرمین کھوری پورہ عبدالمجید کے علاوہ دیگر لیڈرس موجود تھے۔
صوفی نے کہا کہ حد بندی کے بعد جموں صوبہ میں اسمبلی نشستوں کی تعدا میں اضافہ ہوگا اور ایسے میں جموں کے ساتھ ہو رہی نا انصافی کا ازالہ بھی ہوگا، کیونکہ جموں میں کم وادی میں زیادہ سیٹوں کی تعداد سے جموں کی عوام کے ساتھ زیادتی ہو رہی تھی۔
صوفی نے پارٹی کارکنان سے ریاست خاص کر وادی میں پارٹی کو بنیادی سطح پر مظبوط بنانے کے لیے اپنی کو ششیں جاری رکھنے کی تلقین کی۔
انہوں نے کہا کہ بی جے پی ایک ایسی واحد پارٹی ہے جو ریاست میں امن ترقی اور خوشحالی لانے کی اہل ہے
