ممبر پارلیمان حسنین مسعودی کا دورۂ اننت ناگ

ممبرپارلیمان حسنین مسعودی نے کہا کہ 'جنوبی کشمیر کے چار اضلاع کے لیے ایک آکسیجن ریفلنگ پلانٹ جلد ہی قائم کیا جائے گا جس کے ذریعہ یہاں کے اسپتالوں میں بروقت آکسیجن کی فراہمی کو مزید مستحکم بنایا جائے گا۔

انہوں نے کہا کہ 'گورنمنٹ میڈیکل کالج اننت ناگ کے آئی سی یو وارڈ میں درکار عملے کی کافی کمی ہے، جس کو دور کرنے کے لیے اقدامات اٹھانے کی ضرورت ہے'۔

انہوں نے ان باتوں کا اظہار جی ایم سی اننت ناگ کے اپنے دورے کے دوران کیا۔ ان کے ہمراہ ایڈوکیٹ عبدالمجید لارمی و نیشنل کانفرنس کے دیگر رہنما بھی تھے۔ مسعودی نے جی ایم سی انتظامیہ کی ایک جائزہ میٹنگ کے دوران كووڈ کی موجودہ صورتحال کے بارے میں بھی آگاہی حاصل کی۔