لوگوں کا کہنا ہے کہ مذکورہ علاقے میں ہسپتال نہ ہونے کے سبب مقامی لوگ بیمارں کو کوکرناگ کے سب ڈیسٹرکٹ ہسپتال لے جاتے وقت اُنہیں پہلے مین روڑ تک پنہچنے کے لیے چار کلومیٹر کا پہاڑی راستہ طے کرنا پڑتا ہے۔
لوگوں کے مطابق مقامی علاقہ میں درد ذہ میں مبتلا قدیم زمانے کی طرح خواتین کو چارپائی پر اٹھا کر ہسپتال لے جانے میں بہت سارے مشکلات کا سامنا کرنا پڑتا ہے۔
مقامی لوگوں نے ای ٹی وی بھارت سے بات کرتے ہوئے کہا کہ برف باری کے موسم میں علاقے کی کثیر آبادی کو بیمار کو ہسپتال پہنچانا ان کے لیے ایک بڑا چیلینج ہوتا ہے۔ جسے پورا کرنے کے لیے نہ صرف بیمار کو بلکہ تیمارداروں کو بھی اپنی جانیں جوخم میں ڈالنی پڑتی ہے۔
لوگوں کے مطابق اگرچہ محکمہ صحت کی جانب سے علاقہ کی گنجان آبادی کے لیے ایک ایمبولینس مختص کی گئی تھی، تاہم نامعلوم وجوہات پر محکمہ صحت نے مذکورہ ایمبولینس کو واپس اپنی تحویل میں لیا۔
مقامی لوگوں نے کئی مرتبہ اپنی اس مشکلات کو دور کرنے کے لیے انتظامیہ کا دروازہ کھٹکھٹایا لیکن انہیں ہر بار جھوٹے وعدوں اور جھوٹے دلاسوں کے سوا کچھ اور حاصل نہیں ہوا۔
ای ٹی وی بھارت نے جب یہ معاملہ ایس ڈی ایم کوکرناگ اویس مشتاق کی نوٹس میں لایا تو انہوں نے کہا کہ وہ بلاک میڈیکل آفیسر کوکرناگ کے ساتھ رابطہ قائم کر کے کانڈیوارہ کے ہسپتال پر جلد ہی کام شروع کروا دینگے۔
