انہوں نے کہا کہ غیر ریاستی مزدوروں کو ہر ممکن مدد فراہم کرنے کے لئے انتظامیہ متحرک ہے، جس کے تحت انہیں چاول، دال، آٹا، چینی، تیل و دیگر کئی ضروری اشیاء خوردنی کی تقسیم کاری کا سلسلہ جاری ہے۔
ڈار نے کہا کہ لاک ڈاون اور سرحدیں سیل ہونے کی وجہ سے ملک کے مختلف حصوں میں پھنسے طلبہ کو فی الحال یہاں نہیں لایا جا سکتا ہے، لہذا ان سے اپیل کی جاتی ہے کہ وہ اپنی جگہ نہ چھوڑیں اور لاک ڈائون کو کامیاب بناکر کوروناوائرس کے پھیلائو کو روکنے میں سرکار کی مدد کریں۔
تاہم ڈار کا کہنا تھا کہ اگر کسی بھی طالب علم کو کوئی بھی مشکلات در پیش آرہی ہیں تو وہ انتظامیہ کی جانب سے جاری کی گئیں ہیلپ لائن نمبرات پر رابطہ کرکے اپنی شکایت درج کر سکتے ہیں۔
علاوہ ازیں ڈار نے کشمیر سے باہر پھنسے طلباء کے والدین سے اپیل کی کہ وہ اپنی اولاد سے متعلق کسی بھی شکایت کے بارے میں انتظامیہ کو آگاہ کر سکتے ہیں تاکہ ضلع انتظامیہ کشمیری طالبعلموں کو ہر ممکن مدد پہنچانے کے لیے وہاں کی مقامی انتظامیہ سے رابطہ قائم کر سکیں۔
