اننت ناگ: ضلع اننت ناگ کے جنگلات منڈی علاقہ کے قریب نامعلوم بندوق برداروں نے ایک شخص پر فائرنگ کی۔ اس حملہ میں مذکورہ شخص شدید زخمی ہوا جنہیں فوری طور جی ایم سی اننت ناگ لے جایا گیا۔ تاہم دوران علاج مذکورہ شخص نے دم توڑ دیا۔ متوفی کی شناخت ضلع ادھمپور کے دیپو کے طور پر ہوئی۔
تفصیلات کے مطابق نامعلوم عسکریت پسندوں نے پیر کی رات کے تقریباً 10 بجے ایک شخص پر اندھا دھند گولیاں چلائیں جس کے ساتھ ہی وہ خون میں لت پت نیچے گر گیا، شدید زخمی حالت میں اسے گورنمنٹ میڈیکل کالج اننت ناگ منتقل کیا گیا تاہم وہ زخموں کی تاب نہ لاتے ہوئے چل بسا۔
بتایا جارہا ہے کہ متوفی اننت ناگ میں جنگلات منڈی کے قریب ایک تفریحی پارک میں ایک نجی سرکس میں کام کر رہا تھا۔ متوفی کی شناخت ادھمپور کے رہنے والے دیپو کے طور پ ہوئی ہے۔ واقعہ انجام دینے کے بعد حملہ آور موقعہ سے فرار ہو گئے۔ تاہم سکیورٹی فورسز نے پورے علاقے کو محاصرہ میں لے کر حملہ آوروں کی تلاش شروع کردی ہے۔
وہیں کشمیر پولیس زون نے واقعہ کی تفصیلات دیتے ہوئے بتایا کہ اننت ناگ کے جنگلات منڈی کے قریب تفریحی پارک میں پرائیویٹ سرکس میلے میں کام کرنے والے دیپو نامی شہری پر عسکریت پسندوں نے فائرنگ کی۔ زخمی شکص کو ہسپتال لے جایا گیا جہاں وہ زخموں کی تاب نہ لاتے ہوئے چل بسا۔پولیس نے ٹیوٹ میں مزید لکھا کہ اس حوالے سے مقدمہ درج کیا گیا اور تفتیش شروع کی گئی ہے۔
مزید پڑھیں: Suspects Seen in Poonch مشکوک افراد کی نقل وحرکت کے بعد پونچھ میں تلاشی آپریشن
