اننت ناگ: جموں کشمیر انتظامیہ نے مزید 18 سرکاری اداروں اور عوامی مقامات کے نام تبدیل کرنے کو منظوری دی ہے۔ حکم نامہ کے مطابق محکمہ اسکول ایجوکیشن کو فوری طور پر مذکورہ اسکولوں اور عوامی مقامات کے ریکارڈ میں ترمیم سمیت دیگر ضروری اقدامات کرنے کا حکم دیا گیا ہے اور کہا گیا ہے کہ ڈویژنل کمشنر، کشمیر اور جموں ذاتی طور پر اس کی نگرانی کریں گے۔ حکم نامے میں ضلع ترقیاتی کمشنرز سے کہا گیا ہے کہ وہ اس بات کو یقینی بنائیں کہ نام تبدیل کرنے کے سلسلے میں تقریبات منعقد کی جائیں۔Schools Renamed in J&K
وہیں چندن واڑی پہلگام میں گورنمنٹ مڈل اسکول کا نام مرحوم فوجی جوان محمد سفیر خان کے نام پر رکھا گیا ہے۔ اسی طرح جموں کشمیر کے مختلف مقامات پر سرکاری اداروں اور عوامی مقامات مقامات کے نام تبدیل کرنے کی ہدایت جاری کی گئی ہے۔
مزید پڑھیں:
واضح رہے کہ گذشتہ سال ستمبر میں جموں و کشمیر انتظامیہ نے ایک سات رکنی کمیٹی تشکیل دی تھی جو سرکاری اسکولوں، کالجوں اور سڑکوں کے نام ڈیوٹی کے دوران ہلاک ہونے والے فوجیوں اور نامور شخصیات کے نام پر رکھنے کی تجاویز پیش کرے گی۔ ایک ماہ بعد یو ٹی انتظامیہ نے تقربیاً 76 اسکولوں اور دیگر عمارتوں کے نام تبدیل کرنے کا حکم جاری کیا تھا۔
