بھارت نے اس طرح پاکستان سے ڈیوس کپ میں مسلسل ساتواں مقابلہ جیت لیا۔ نور سلطان کے نیشنل ٹینس سینٹر کے ہارڈ کورٹ پر رام كمار رامناتھن نے کل پہلے سنگلز میچ میں محمد شعیب کو 6-0، 6-0 سے اور دوسرے واحد میچ میں سمیت ناگل نے حذیفہ عبدالرحمان کو 6-0، 6-2 سے شکست دے کر بھارت کو 0۔2کی برتری دلائی تھی۔
آج ڈبلز میچ میں 46 سالہ لینڈر پیس اور جیون نیدو شیزیان کی جوڑی نے حذیفہ اور شعیب کی جوڑی کو صرف 53 منٹ میں 6-1، 6-3 سے ہرا دیا۔چوتھے میچ میں ناگل نے آصف خلیل کو 6-1، 6-0 سے ہرادیا۔بھارت کے0۔4 کی برتری بنانے کے بعد پانچواں میچ نہیں کھیلا گیا۔
بھارتی ٹیم اب 2020 میں 6-7 مارچ کو دو مرتبہ کے چمپئن کروشیا سے کوالیفائر مقابلہ کھیلے گی۔ بھارت اگر کوالیفائر جیت جاتا ہے تو اس کے پاس ڈیوس کپ فائنلس میں کھیلنے کا موقع رہے گا۔
كواليفائيرس کی 12 فاتح ٹیمیں ان چھ ٹیموں کے ساتھ فائنلس میں جڑیں گي جو فائنلس میں جگہ بنا چکے ہیں۔ان چھ ٹیموں میں ا سپین، کینیڈا، برطانیہ، روس، فرانس اور سربیا شامل ہیں۔
پیس گزشتہ سال ڈیوس کپ کی تاریخ کے سب سے زیادہ کامیاب ڈبلز کھلاڑی بنے تھے۔انہوں نے ڈیوس کپ میں 44 واں ڈبلز میچ جیت کر اپنے ڈیوس کپ ریکارڈ کو بہتر کیا۔انہوں نے 57 ڈیوس کپ مقابلوں میں 44 میچ جیتے ہیں۔ڈیوس کپ میں ان کی اب کل 92 فتح ہو گئی ہیں جس 48 سنگلز جیت بھی شامل ہیں۔وہ ڈیوس کپ کے سب سے زیادہ کامیاب کھلاڑیوں میں 92-35 کے ہار جیت کے ریکارڈ کے ساتھ پانچویں نمبر پر ہیں۔
اس جیت کے ساتھ فروری 2014 کے بعد یہ پہلا موقع ہے جب بھارت نے مقابلے کے تمام میچ جیتے ہیں۔بھارت نے تب چینی تائی پے کو اندور میں 5-0 سے شکست دی تھی۔
اپنے ٹاپ کھلاڑیوں اعصام الحق قریشی اور عقیل خان کے اس مقابلے سے ہٹ جانے کے بعد پاکستان نے ایک نوجوان ٹیم بھارت کے خلاف اتاری جس میں اس کے کھلاڑیوں کے پاس کوئی بین الاقوامی درجہ بندی نہیں تھی اور یہ ٹیم چار میچوں میں صرف سات گیم ہی جیت سکی۔بھارت نے یہ مقابلہ آسانی سے جیت لیا ہے اور پاکستان پر ڈیوس کپ کی تاریخ میں مسلسل ساتویں جیت درج کی۔
