متحدہ عرب امارات میں کھیلا جا رہا ٹی 20 ورلڈ کپ سیمی فائنل کے آخری مرحلے میں پہنچ گیا ہے اور جو بھی 14 نومبر کو دبئی میں ہونے والے ٹی 20 ورلڈ کپ کی ٹرافی جیتے گا اسے تقریباً 12 کروڑ روپے بطور نقد انعام ملیں گے۔
اس ٹورنامنٹ کی کل انعامی رقم 42 کروڑ روپے (5.6 ملین امریکی ڈالر) ہے۔ رنر اپ ٹیم کو 8 لاکھ ڈالر (تقریباً 6 کروڑ روپے) ملیں گے جبکہ سیمی فائنل میں ہارنے والی ٹیموں کو 400,000 ڈالر (تقریباً 3 کروڑ روپے) دیے جائیں گے۔
ٹورنامنٹ کا پہلا سیمی فائنل میچ بدھ کو انگلینڈ اور نیوزی لینڈ کے درمیان کھیلا گیا جس میں نیوزی لینڈ نے انگلینڈ کو پانچ وکٹو سے شکست دے کر پہلی مرتبہ ٹی ٹونٹی ورلڈ کپ کے فائنل میں جگہ بنائی ہے۔
جبکہ دوسرا سیمی فائنل جمعرات کو پاکستان اور آسٹریلیا کے درمیان کھیلا جائے گا۔ سیمی فائنل کی فاتح ٹیمیں 14 نومبر کو دبئی میں ہونے والے ٹائٹل میچ میں آمنے سامنے ہوں گی۔
سپر 12 مرحلے میں ہر میچ جیتنے پر ٹیم کو تقریباً 30 لاکھ روپے ملیں گے۔ اس مرحلے میں کل 30 میچ کھیلے جائیں گے۔ اس مرحلے کے بعد ترقی کرنے میں ناکام رہنے والی آٹھ ٹیموں کو تقریباً 52 لاکھ روپے کی انعامی رقم دی جائے گی۔
(یواین آئی)
