لوزان:انٹرنیشنل ہاکی فیڈریشن (ایف آئی ایچ) کی جانب سے جاری کردہ تازہ ترین رینکنگ کے مطابق جرمنی 2912.47 رینکنگ پوائنٹس کے ساتھ تین درجے اوپر پہنچ گیا، جبکہ آسٹریلیا (2792.96 پوائنٹس) کانسہ کے تمغے کے مقابلے میں ہالینڈ سے شکست کھانے کے بعد چوتھے نمبر پر چلا گیا۔
ورلڈ کپ کانسہ کا تمغہ جیتنے والی ڈچ ٹیم (2848.29) ایک مقام کے فائدہ کے ساتھ دوسرے نمبر پر پہنچ گئی ہے، جبکہ رنرز اپ بیلجیئم (2845.82) ایک مقام کھسک کر تیسرے نمبر پر آ گئی ہے۔
تین بار کی عالمی چیمپئن جرمنی نے فائنل میں دفاعی چیمپئن بیلجیئم کو شوٹ آؤٹ میں 5-4 سے شکست دی۔ جرمنی ایک مرحلے پر 0-2 سے پیچھے تھا لیکن اس نے شاندار واپسی کرتے ہوئے فل ٹائم میں اسکور 3-3 سے برابر کر دیا، اور پھر شوٹ آؤٹ میں بیلجیئم کو شکست دی۔
یہ بھی پڑھیں:Graham Reid Resigns گراہم ریڈ نے ہاکی کوچ کے عہدے سے دیا استعفیٰ
میزبان ہندوستان نے ایف آئی ایچ رینکنگ میں اپنی چھٹی پوزیشن برقرار رکھی۔ ہندوستان کو کراس اوور میچ میں نیوزی لینڈ کے ہاتھوں شکست ہوئی تھی، تاہم ہرمن پریت سنگھ کی ٹیم نے اس کے بعد اپنے دونوں کلاسیفکیشن میچ جیت کر ٹورنامنٹ میں نویں پوزیشن حاصل کی۔
یواین آئی
