پونے:پنجاب پیٹریاٹس، جس کی شریک ملکیت تاپسی پنو اور ورلڈ آف کریڈا ہیں، ہفتہ کو پونے جاگوارس سے ٹکرائے۔ سوئٹزرلینڈ کی کونی پیرین نے ممبئی لیون آرمی کی باویسیٹی کو 11-9 سے آسانی سے جیت کر پنجاب پیٹریاٹس کا کھاتہ کھول دیا۔ تاہم مردوں کے سنگلز مقابلے میں پنجاب کے دگ وجے پرتاپ سنگھ کو ممبئی کے ارنسٹ گلبیس سے 9-11 سے شکست کا سامنا کرنا پڑا۔
پنجاب کے ارجن اور کونی نے مکسڈ ڈبلز کا آغاز ابتدائی سرو سے شاندار اسکور کے ساتھ کیا اور بالآخر ممبئی کے لیون کے وجے اور سوجنیا کے خلاف 12-8 سے پر اعتماد جیت حاصل کی۔ دن کے آخری کھیل میں ارجن اور دگ وجے کی جوڑی کا مقابلہ مردوں کے ڈبلز میں وجے اور ارنسٹ کی جوڑی سے ہوا۔ اس جوڑی نے رفتار کو بلند رکھا اور پورے کھیل میں برتری کو برقرار رکھا اور 11-9 کے اسکور کے ساتھ کھیل کا اختتام اپنے حق میں کیا۔
یہ بھی پڑھیں:سچن تنڈولکر کے بعد دھونی کا جرسی نمبر سات ریٹائر
میچ کے بعد پنجاب پیٹریاٹس کی مینٹور انکیتا بھمبری نے کہاکہ ہماری جیت کی رفتار کو واپس لانا اچھا لگتا ہے۔ کونی، ڈیگی اور ارجن تینوں نے چاروں کھیلوں میں اپنی بہترین کارکردگی دکھائی۔ ہمارا لیگ مرحلے میں ایک اور میچ باقی ہے جو ہوم ٹیم کے خلاف ہے۔ میں شاندار طریقہ سے میچ ختم کرنے کا منتظر ہوں۔ امید ہے کہ ہم اتوار کو بھی اسی رفتار کو جاری رکھنے میں کامیاب ہوں گے۔
یواین آئی
