تیر اندازی ورلڈ کپ میں بھارت کی تاریخی جیت

بھارت کے ابھیشیک ورما نے امریکہ کرش اسکاف کو ٹائی بریک میں شکست دے کر پیرس تیر اندازی ورلڈ کپ میں مرد کمپاؤنڈ کٹیگری کا گولڈ میڈل جیت لیا ہے۔

ابھیشیک ورما اور اسکاف دونوں کا متعینہ وقت میں اسکور 148-148 سے برابر تھا جس کے بعد ٹائی بریک کا سہارا لیا گیا جس میں ابھیشیک نے 10 پر نشانہ لگا کرمیڈل اپنے نام کر لیا جبکہ امریکی تیر انداز 9 پر ہی نشانہ لگا پائے اور انھیں سلور میڈل سے مطمئن ہونا پڑا۔

ابھیشیک نے قبل ازیں سیمی فائنل میں روس کے اینٹون بلیو کو 146-138 کو ہراکر خطابی مقابلے میں جگہ بنائی تھی جبکہ اسکاف نے بھارت کے امن سینی کو مقابلے میں 150-149 سے شکست دے کر فائنل میں داخلہ پایا تھا۔