بھونیشور:ہاکی انڈیا نے یہاں ایک ریلیز میں کہا کہ کلینگا اسٹیڈیم میں مین پچ کے ساتھ ساتھ پریکٹس پچ کو دوبارہ بچھایا گیا ہے، جبکہ بین الاقوامی ہاکی فیڈریشن (ایف آئی ایچ) کی طرف سے تصدیق شدہ بالکل نئی پچز رورکیلا میں بچھائی گئی ہیں۔Hockey India Make New Pitches For The Hockey World Cup
مردوں کا ورلڈ کپ 2023 اس انتہائی باوقار ایونٹ کا 15 واں ایڈیشن ہوگا۔ ٹورنامنٹ کے تمام میچ رورکیلا کے نئے تعمیر شدہ برسا منڈا ہاکی اسٹیڈیم اور بھونیشور کے مشہور کلنگا ہاکی اسٹیڈیم میں کھیلے جائیں گے۔
اگلے سال 13 سے 29 جنوری تک ہونے والے اس پروقار ایونٹ میں ہندوستان سمیت پوری دنیا سے ٹاپ 16 ٹیمیں حصہ لیں گی۔ ٹورنامنٹ کے لیے 16 ٹیموں کو چار پولز میں تقسیم کیا گیا ہے۔ ہندوستان پول ڈی میں انگلینڈ، اسپین اور ویلز کے ساتھ ہے۔
مزید پڑھیں:World Championships میرابائی نے عالمی چیمپئن شپ میں چاندی کا تمغہ جیتا
ہاکی انڈیا کے صدر ڈاکٹر دلیپ ٹرکی نے کہاکہ مجھے یہ جان کر بہت خوشی ہوئی ہے کہ ایف آئی ایچ کی طرف سے تصدیق شدہ تمام نئی پچیں استعمال کے لیے تیار ہیں۔ کلنگا ہاکی اسٹیڈیم اور برسا منڈا ہاکی اسٹیڈیم دونوں حصہ لینے والی ٹیموں اور تماشائیوں کے لیے عالمی معیار کی سہولیات فراہم کریں گے۔ ہم اوڈیشہ کی ریاستی حکومت کے شکر گزار ہیں، جس نے اس بات کو یقینی بنانے میں کوئی کسر نہیں چھوڑی کہ ورلڈ کپ کا یہ ایڈیشن سب کے لیے یادگار ہو۔خیال ر ہے کہ ہندوستان پہلے ہی 2010 اور 2018 میں مردوں کے ہاکی ورلڈ کپ کی میزبانی کر چکا ہے۔Hockey India Make New Pitches For The Hockey World Cup
یواین اائی۔
