اسلام ایک ایسا مذہب ہے جس میں ایک ایسی کشش ہے جو اس کے مخالفین کو مجبور کردیتی ہے کہ وہ اسلام کا مطالعہ کرے۔ اسلام کے مطالعہ کے بعد کوئی ایسا باقی نہیں بچا ہوگا جس نے اسلام کی حقانیت کو تہہِ دل سے مانا نہ ہو یا اسلام میں داخل ہوکر پکّا مسلمان نہ ہوگیا ہو۔
امریکہ میں پھر سے ایک ایسا واقعہ پیش آیا جس نے اسلام مخالفین کو سوچنے سمجھنے پر مجبور کردیا ہے۔ غیرملکی خبر رساں اداروں کے مطابق مشہور و معروف امریکی باسکٹ بال کھلاڑی اسٹیفن جیکسن نے اسلام قبول کرنے کا اعلان سوشل میڈیا کے پلیٹ فارم انسٹاگرام پر کیا اور اس حوالے سے ایک ویڈیو بھی شیئر کی ہے جس میں وہ دائرۂ اسلام میں داخل ہونے کے لیے مسجد میں سب دوستوں کے سامنے کلمہ طیبہ پڑھ رہے ہیں۔
ان کے اس فیصلہ کا ان کے عزیز و اقارب، دوستوں اور دیگر چاہنے والوں نے خیرمقدم کیا اور مبارکباد بھی دی ہے۔ دائرہ اسلام میں داخل ہونے کے بعد مشہور کھلاڑی کو معروف شخصیات اور چاہنے والوں کی جانب سے مبارک باد اور نئے سفر کے لیے نیک تمناؤں کا سلسلہ شروع ہوگیا ہے۔
واضح رہے کہ اسٹیفن جیکسن نے اپنے باسکٹ بال کے 14 سالہ کیریئر میں 14 سیزن کھیلے اور 12 ہزار سے بھی زیادہ پوائنٹس اسکور کئے۔ لیکن اس کے علاوہ انہوں نے کھیل کے میدان میں اپنے ساتھی کھلاڑیوں کو 2 ہزار 634 پوائنٹس اسکور کرنے میں بھی مدد دی۔
واضح رہے کہ امریکی باسکٹ بال کی ٹیم کے سابق کھلاڑی اسٹیفن جیکسن امریکی ریاست ٹیکساس کے شہر ہیوسٹن میں پیدا ہوئے تھے اور انہوں نے 1997ء میں باسکٹ بال کیریئر کا آغاز کیا اور 2014ء میں ریٹائر ہوئے۔ ان کے اسلام قبول کرنے سے امریکہ میں اسلام کے متنفِّرین میں کمی ہونے کی امید کی جارہی ہے۔
