نوین کمار کی زبردست کارکردگی کی بدولت دبنگ دہلی نے ہفتہ کو پرو کبڈی لیگ کے مقابلے میں یوپی یودھا کو 33۔37 سے شکست دے دی۔ Dabang Delhi Beat UP Yoddha
دہلی کی ٹیم پہلے ہاف میں پیچھے رہی لیکن دوسرے ہاف میں اس نے واپسی کرتے ہوئے میچ 33۔37 سے جیت لیا۔ اس جیت کے ساتھ ہی جوگندر ناروال کی قیادت والی ٹیم دہلی ٹیبل پوائنٹس میں ٹاپ پر پہنچ گئی ہے۔ Delhi on top in Pro Kabaddi League
پرو کبڈی لیگ کے 8ویں سیزن کے 40ویں میچ میں یوپی یودھا نے پہلے ہاف میں شاندار کارکردگی کا مظاہرہ کیا۔ اس دوران انہوں نے 18 پوائنٹس حاصل کیے جبکہ دہلی کی ٹیم صرف 13 پوائنٹس حاصل کر سکی۔
تاہم دوسرے ہاف میں دبنگ دہلی نے میچ کا رخ موڑ دیا۔ اس نے دوسرے ہاف میں 24 پوائنٹس بنائے جبکہ یوپی کی ٹیم 15 پوائنٹس حاصل کر سکی۔ دہلی کے لیے نوین کمار نے سب سے زیادہ 18 پوائنٹ بنائے۔ وہیں سریندر گل اور پردیپ نروال نے یوپی کے لیے 9-9 پوائنٹس بنائے۔ Dabang Delhi vs UP Yoddha
یہ بھی پڑھیں: Pro Kabaddi League in Noida: پرو کبڈی لیگ میں یوپی یودھا کے سریندر گل دھمال مچانے کے لیے تیار
ٹیبل پر ایک نظر ڈالیں تو دہلی کی ٹیم پھر 31 پوائنٹس کے ساتھ ٹاپ پر پہنچ گئی۔ دہلی نے سات میچوں میں پانچویں جیت درج کی۔ وہیں یوپی یودھا کو سات میچوں میں چوتھی شکست کا سامنا کرنا پڑا۔
یوپی کے 15 پوائنٹس ہیں اور وہ 9ویں نمبر پر ہے۔ یو ممبا 25 پوائنٹس کے ساتھ تیسرے نمبر پر ہے۔
