پرتگال فٹبال ٹیم نے یورو 2020 کے کوالیفائر کے ایک دلچسپ مقابلے میں سربیا کو 2-4 سے شکست دے دی ہے، اس میچ میں پرتگال ٹیم کے فارورڈ کھلاڑی کرسٹیانو رونالڈو بہرتن گول کیا جبکہ ولیم کروالہو، گونکالو گوئیڈس اور برناڈو سلوا نے بھی ایک ایک گول کئے۔
اس جیت کے ساتھ ہی پرتگال ٹیم گروپ بی میں پانچ پوائنٹس کے ساتھ دوسرے مقام پر پہنچ گئی ہے۔
میچ کے پہلے ہاف پرتگال ٹیم ایک ہی گول کر سکی تھی، 42 ویں منٹ میں کروالہو نے 18 یارڈ باکس کے اندر سے گول کرتے ہوئے ٹیم کو برتری دلائی تھی۔
اس کے بعد دوسرے ہاف میں گوئیڈس نے 58 ویں منٹ میں گول کرکے ٹیم کو 0-2 کی برتری دلادی۔
اس کے بعد سربیائی ٹیم کے کھلاڑی نکولا ملیکووک نے 68 ویں منٹ میں گول کرکے میچ میں واپسی کرنے کی کوشش کی لیکن اس کی یہ خوشی زیادہ دیر تک قائم نہیں رہ سکی اور میچ کے 80 ویں منٹ مین رونالڈو نے گول کر کے اسکور 1-3 کردیا۔
میچ کے آخری لمحات میں سربیائی کھلاڑی الیگزینڈر مترووک نے گول کر کے ٹیم جیت کی امیدوں کو بحال کیا لیکن اگلی منٹ میں پرتگالی کھلاڑی برنارڈ سلوا نے گول کر کے سربیائی ٹیم کی جیت کی امیدوں پر پانی پھیرتے ہوئے اپنی ٹیم کو جیت سے ہمکنار کرایا۔
