بھارتی فٹبال کی تاریخ کے کامیاب ترین فٹبال کلبوں میں سے ایک محمڈن اسپورٹنگ کو سات برس بعد آئی لیگ کے اگلے سیزن میں کھیلنے کا موقع ملا ہے جس پر معاون کوچ نے تمام مداحوں کا شکریہ ادا کیا۔
اس سے قبل محمڈن اسپورٹنگ کو 14-2013 میں آئی لیگ میں کھیلنے کا موقع ملا تھا۔
معاون کوچ شہید رامون کا کہنا ہے کہ ہمیں برسوں بعد قومی فٹبال لیگ میں کھیلنے کا موقع ملا ہے، کورونا وائرس کے بُرے دور میں یہ خبر ہمارے لیے سب سے اچھی بات ہے۔
انہوں نے کہا کہ محمڈن اسپورٹنگ کی اس کامیابی کو شیدائیوں کو وقف کرتا ہوں جو ہر وقت ٹیم کی جوصلہ افزائی کے لیے اسٹیڈیم میں موجود رہتے ہیں۔
سیاہ سفید جرسی والی ٹیم کے معاون کوچ کا کہنا ہے کہ محمڈن اسپورٹنگ بھارت کا واحد کلب ہے جس کے پرستار سب سے زیادہ ہے، ان کے مطابق شیدائیوں کی حمایت کی وجہ سے آئی لیگ میں توقع کے مطابق کھیل کا مظاہرہ کریں گے۔
واضح رہے کہ محمڈن اسپورٹنگ نے کولکاتا کے بھیوانی پور ایف سی کو شکست دے کر آئی لیگ میں داخلہ حاصل کیا ہے۔ محمڈن اسپورٹنگ کا اگلا میچ بنگلور یوناٹئیڈ ایف سی سے 19 اکتوبر کو ہوگا۔
