چنیئین ایف سی نے ایف سی گوا کو آ ئی ایس ایل کے پہلے سیمی فائنل کے پہلے مرحلے میں 1۔4 سے شکست دے کر فا ئنل میں کوالیفا ئی کرنے کا امکان روشن کرلیا۔
چنئی کے جواہرلال نہرواسٹیڈیم میں کھیلے انڈین سپر لیگ 20۔2019 کے پہلے سیمی فائنل کے پہلے مر حلے میں چنیئین ایف سی اور ایف سی گوا کی ٹیمیں آمنے سامنے ہوئیں۔
پہلے ہاف میں دونوں ٹیموں کے درمیان دلچسپ اور سنسنی خیز مقابلہ ہوا۔ دونوں جانب سے پے در پے حملے ہوئے۔ دونوں نے ایک دوسرے پر سبقت حاصل کرنے کی بھر پور کوشش کی لیکن ناکام رہیں۔
دونوں ٹیموں کی بھر پور کوشش کے باوجود پہلے ہاف میں میچ کااسکور 0۔0 رہا ۔
دوسرے ہاف میں میزبان ٹٰیم چنیئین ایف سی نے شاندار کھیل کامظاہرہ کرتے ہوئے مہمان ٹیم ایف سی گو ا پر دبدبہ بنانے میں کامیاب رہی۔
کھیل کے 54 ویں منٹ پر گواؤن نے گول کرکے چنیئین ایف سی کو ایک صفر کی سبقت دلائی۔
کھیل کے 61 ویں منٹ پر تھاپا نے شاندار کھیل کامظاہرہ کیا اور گول کرکے چنیئین ایف سی کو 0۔2 کی سبقت دلا نے میں اہم رول ادا کیا۔
چنیئین ایف سی کی جانب سے شاندار کھیل کاسلسلہ جاری رہا اور کھیل کے 77 ویں منٹ پر ال صبیا کےگول کی بدولت 0۔3 کی سبقت حاصل کرلی۔
کھیل کے دو منٹ بعد ہی 79 ویں منٹ پر لال رنگ جوالہ چنگٹے نے گول کرکے چنیئین ایف سی کو 0۔4 کی باقبل شکست برتری دلائی۔
کھیل کے 85 ویں منٹ پر ساؤیر نے گول کرکے ایف سی گوا کو میچ میں واپس آنے کی راہ ہموار کی لیکن مہمان ٹیم کے لئے کافی دیر ہوچکی تھی۔
کھیل کے اختتام تک 1۔4 کی سبقت برقراررکھتے ہوئے چنیئین ایف سی نے سیمی فائنل کے پہلے مرحلے میں بڑی جیت درج کرکے فائنل میں کوالیفائی کرنے کاامکان روشن کرلیا ۔
