انگلینڈ کے خلاف چوتھے ٹیسٹ میچ کے پہلے دن بھارتی کپتان وراٹ کوہلی نے اپنے نام ایک نیا ریکارڈ جوڑ لیا۔
بین الاقوامی کرکٹ میں تیز ترین 23 ہزار رنز بنانے کے معاملے میں انہوں نے کرکٹ کے لیجنڈ سچن تیندولکر کو بھی پیچھے چھوڑ دیا۔ انہوں نے یہ ریکارڈ اپنی اننگز میں چوکے لگا کر حاصل کیا۔
تیز ترین 23 ہزار رنز بنانے کے معاملے میں وراٹ کوہلی نے سچن تیندولکر، رکی پونٹنگ اور کمار سنگاکارا جیسے لیجنڈز کو پیچھے چھوڑ دیا ہے۔ کوہلی نے یہ کارنامہ اپنے کیریئر کی 490 ویں اننگز کھیلتے ہوئے حاصل کیا۔ اب تک کسی دوسرے بلے باز نے یہ تعداد 500 سے کم اننگز میں حاصل نہیں کیا ہے۔
بین الاقوامی کرکٹ میں تیز ترین 23 ہزار رنز بنانے والے بلےباز
وراٹ کوہلی: 490 اننگز
سچن تیندولکر: 522 اننگز
رکی پونٹنگ: 544 اننگز
جیک کیلس: 551 اننگز
کمار سنگاکارا: 568 اننگز
راہل دراوڑ: 576 اننگز
مہیلا جے وردھنے: 645 اننگز
تاہم گزشتہ دو سالوں میں کوہلی نے سنچری نہیں بنائی ہے۔ انہوں نے تینوں فارمیٹس میں اتنی اچھی بلےبازی نہیں کی ہے لیکن 490 اننگز میں 23 ہزار رنز مکمل کرنے میں کامیاب رہے۔
