نئی دہلی:1983 میں ہندوستان کو پہلا عالمی کپ دلانے والی ٹیم کے کپتان کپل دیو نے موجودہ ہندوستانی کپتان روہت شرما کے بارے میں انسٹاگرام پر کہاکہ روہت، آپ جو کرتے ہیں، اس میں ماہر ہو۔ بہت ساری کامیابیاں آپ کی منتظر ہیں۔ میں جانتا ہوں کہ یہ مشکل ہے لیکن ہمت رکھو۔ ہندوستان آپ کے ساتھ ہے۔
سچن تیندولکر نے کہا کہ وہ سمجھ سکتے ہیں کہ فائنل ہارنے کے بعد کھلاڑی کس کیفیت سے گزر رہے ہیں، “ایک عظیم ٹورنامنٹ میں صرف ایک برا دن دل دہلا دینے والا ہو سکتا ہے۔ میں تمام کھلاڑیوں، شائقین اور خیر خواہوں کے غم کا اندازہ لگا سکتا ہوں کہ اس شکست کے بعد انہیں کیسا محسوس ہورہا ہوگا ۔ شکست بھی کھیل کا حصہ ہے، لیکن ہمیں یاد رکھنا چاہیے کہ اس ٹیم نے پورے ٹورنامنٹ میں ہمارے لیے سب کچھ دیا ہے۔"
شوٹر ابھینو بندرا نے کہا کہ کھیل جتنا شکست کے بارے میں ہے اتنا ہی جیت کے جشن کے بارے میں بھی ہے۔ ابھینو بندرا نے مداحوں سے ٹیم انڈیا پر تنقید نہ کرنے کی بھی اپیل کی۔ موجودہ عالمی چیمپئن باکسر نکہت زرین نے بھی شوٹر ابھینو بندرا کے جذبات کو اپنے الفاظ میں دوہرایا۔
دو مرتبہ کی اولمپک تمغہ جیتنے والی ہندوستانی بیڈمنٹن کھلاڑی پی وی سندھو نے کہا کہ انہیں امید ہے کہ ہندوستانی ٹیم مستقبل میں اور بھی مضبوط ہوکر واپس آئے گی۔
یہ بھی پڑھیں:آسٹریلیا کے خلاف ٹی ٹوئنٹی سیریز کے لیے ٹیم انڈیا کی کمان سوریہ کمار یادو کے ہاتھ میں
کئی اولمپک میڈلسٹ بشمول ہندوستانی بیڈمنٹن کھلاڑی سائنا نہوال، باکسر وجیندر سنگھ، پہلوان ساکشی ملک اور بجرنگ پونیا نے بھی ہندوستانی کرکٹ ٹیم کی تعریف کی۔
