میلبورن: افغانستان کے اسپنر مجیب الرحمان کو ’’نو آبجیکشن سرٹیفکیٹ (این او سی) کی شرائط میں تبدیلی‘‘ کے بعد منگل کو میلبورن اسٹارز کے خلاف میلبورن رینیگیڈز کے اگلے بی بی ایل میچ سے باہر کر دیا گیا ہے۔ رینیگیڈز نے آج یہاں جاری ایک بیان میں کہا کہ مجیب الرحمان کو ان کی این او سی کی شرائط میں تبدیلی کے بعد ٹیم سے باہر کیا گیا ہے جس کی وجہ سے وہ کل کے میچ میں نہیں کھیل سکیں گے۔
تاہم، اس سے پہلے کے بیان میں رینیگیڈز نے کہا کہ ’’انہیں ایسی کوئی اطلاع نہیں ملی ہے کہ بی بی ایل کے لیے مجیب کی دستیابی اصل منصوبوں سے بدل سکتی ہے‘‘ اور ’’کلب بی بی ایل کے بقیہ سیزن کے لیے اس کی حمایت جاری رکھے گا۔‘‘
واضح رہے کہ افغانستان کرکٹ بورڈ (اے سی بی) نے 2024 کے لئے سنٹرل کنٹریکٹ کی فہرست سے باہر رہنے کی خواہش ظاہر کرنے کے بعد مجیب، فاسٹ بالرز نوین الحق اور فضل الحق فاروقی پر پابندی عائد کرتے ہوئے اگلے دو سال کے لیے ان کے ٹی ٹوئنٹی لیگ کھیلنے اور ان کے پاس موجود کسی بھی این او سی منسوخ کر دیا گیا تھا۔ قابل ذکر ہے کہ مجیب کو حال ہی میں کولکتہ نائٹ رائیڈرز نے آئی پی ایل کی نیلامی میں 2 کروڑ روپے میں خریدا تھا۔ وہ فی الحال میلبورن رینیگیڈز ٹیم کے ساتھ بی بی ایل میں ہیں۔ (یو این آئی)
یہ بھی پڑھیں
