آئی پی ایل فرنچائزی رائل چیلیجرز بنگلور نے اطلاع دی تھی کہ آل راؤنڈر ڈینیئل سیمس کورونا مثبت پائے گئے ہیں۔ سیمس بنگلور ٹیم کے ساتھ گزشتہ تین اپریل کو منفی رپورٹ کے ساتھ چنئی میں ٹیم سے جُڑے تھے لیکن وہ آئی پی ایل کے لازمی ٹیسٹنگ عمل میں مثبت پائے گئے ہیں۔
حالانکہ ڈینیئل سیمس میں کورونا کی کوئی علامات نظر نہیں آرہی ہے لیکن پھر بھی احتیاط کے طور پر انہیں آئسولیٹ کر دیا گیا ہے۔
فرنچائزی نے بیان میں کہا کہ 'آر سی بی کی میڈیکل ٹیم سیمس سے مسلسل رابطے میں ہے اور بی سی سی آئی پروٹوکال کے تحت وہ لگاتار ان کی صحت کی نگرانی رکھے گی۔
اس درمیان آرسی بی کے لیے راحت کی بات یہ ہوئی کہ ان کے سلامی بلے باز دیودت پڈیکل کی تازہ کورونا رپورٹ منفی آئی ہے اور وہ ٹیم سے جُڑ گئے ہیں۔ وہ 22 مارچ کو کورونا مثبت پائے گئے تھے۔
پڈیکل گزشتہ سیزن میں آرسی بی کے ٹاپ اسکورر تھے۔
