انڈین پریمیئر لیگ کے 14 سیزن پر کورونا کا سایہ منڈلانے لگا ہے۔ ابھی کولکاتا کے 2 کھلاڑیوں کی کورونا رپورٹ پازیٹیو آئی ہی تھی کہ سی ایس کے خیمے میں بھی اس وائرس نے دستک دے دی۔
دراصل چنئی سُپر کنگز کنگز ٹیم کے سی ای او وشوناتھن، بالنگ کوچ بالاجی اور ان کا بس کلینر اس وائرس کی زد میں آگئے ہیں تاہم شائقین کے لیے اچھی بات یہ ہے کہ ٹیم کے بقیہ تمام کھلاڑیوں کی رپورٹ منفی آئی ہے۔
کورونا وائرس کی دوسری لہر نے پورے ملک میں خوف و ہراس کا ماحول پیدا کر رکھا ہے۔ ایسی صورتحال میں ایک ہی دن میں آئی پی ایل سے اس طرح کی یکے بعد دیگرے دو خبریں آنے سے سوشل میڈیا پر ٹورنامنٹ کو روکنے کی مانگ شروع ہورہی ہے۔
واضح رہے کہ کولکاتا نائٹ رائیڈرز ٹیم سے اسپنر ورون چکرورتی اور فاسٹ بولر سندیپ واریئر کورونا مثبت پائے گئے ہیں جس کے بعد آئی پی ایل کے 14 سیزن میں احمد آباد کے نریندر مودی اسٹیڈیم میں رائل چیلنجرس بنگلور اور کولکاتا نائٹ رائیڈرز کے مابین ہونے والا میچ ملتوی کر دیا گیا ہے۔
