آئی پی ایل کے چیئرمین برجیش پٹیل کے مطابق آئی پی ایل کے 13 ویں سیزن کا شیڈول اتوار کو جاری ہوسکتا ہے۔ آٹھ ٹیمیں 20 اور 21 اگست کو متحدہ عرب امارات پہنچ گئی تھیں اور پروٹوکول کے مطابق مدت مکمل کرنے کے بعد پریکٹس شروع کر چکی ہیں۔
چنئی سپر کنگز ٹیم کے دو کھلاڑیوں سمیت 13 ممبران کی کورونا رپوٹ مثبت آئی تھی جس کے نتیجے میں ان کا پریکٹس سیشن سب سے آخر میں 4 ستمبر کو شروع ہوا۔
تمام ٹیمیں آئی پی ایل کے شیڈول کا انتظار کر رہی ہیں۔ دریں اثنا ، دفاعی چیمپین ممبئی انڈینز کے تیزگیندباز لست ملنگا اور چنئی سپر کنگز کے دو کھلاڑی سریش رائنا اور آف اسپنر ہربھجن سنگھ ذاتی وجوہات کے سبب آئی پی ایل سے دستبردار ہوگئے ہیں۔
چنئی کے 13 کھلاڑی اس وقت 14 روز کی کوارنٹین میں ہیں اور ممبئی اور چنئی نے ابھی تک متبادل کھلاڑی کی تلاش نہیں کی ہے۔
