آئی پی ایل میں محمد سراج کا تاریخی کارنامہ

رائل چیلنجرز بنگلور کے تیز گیند باز محمد سراج نے کولکاتا نائٹ رائیڈرز کے خلاف میچ میں تاریخ رقم کی۔ وہ انڈین پریمیئر لیگ کے ایک میچ میں دو میڈن اوورز کرنے والے پہلے گیند باز بن گئے ہیں۔

محمد سراج نے ابوظہبی کے شیخ زید اسٹیڈیم میں کولکاتا نائٹ رائیڈرز کے خلاف یہ کارنامہ انجام دیا۔

کولکاتا نائٹ رائیڈرز نے ٹاس جیت کر بلے بازی کا فیصلہ کیا تھا جس محمد سراج نے اپنی شاندار گیند بازی کی بدولت غلط ثابت کر دیا۔

بشکریہ ٹویٹر

اس میچ میں محمد سراج نے اپنے ٹی 20 کریئر نیز آئی کی تاریخ میں ایک نیا کارنامہ انجام دیا۔ سراج نے اپنے پہلے دو اوور میں بنا کوئی دیئے دو وکٹیں حاصل کی تھیں۔

سراج نے راہل تریپاٹھی اور نتیش رانا کو مسلسل گیندوں پر آؤٹ کیا تھا۔ اس میچ میں محمد سراج نے اپنے 4 اوورز میں سے دو میڈن اوور کئے اور 8 رنز کے عوض 3 وکٹیں اپنے نام کی تھیں۔ ان کی اس شاندار گیند بازی کی بدولت کولکاتا نائٹ رائیڈرز محض 84 رنز ہی بنا سکی تھی۔