پہلی اننگ میں آسٹریلیا کے 369 رنز کے جواب میں بھارتی ٹیم نے شاردُل ٹھاکُر اور واشنگٹن سُندر کی شاندار سنچری پارٹنرشپ کی بدولت 336 رنز بنایا۔
بھارتی ٹیم نے تیسرے دن 2 وکٹ کے نقصان پر 62 رنز کے اسکور سے آگے کھیلنا شروع کیا تھا لیکن لنچ بریک تک نصف ٹیم پویلین لوٹ گئی۔ اس کے بعد واشنگٹن سُندر اور شاردل ٹھاکر نے محاذ سنبھالتے ہوئے ٹیم کو بحران سے نکالا۔
دن کے آغاز کے کھیل میں بھارت کی جانب سے چیتیشور پجارا اور کپتان رہانے نے محتاط انداز میں شروعات کی لیکن اس کے بعد جلدی جلدی وکٹس کرے اور ٹیم بحران میں پھنس گئی اور 186 رنز پر اس کے 6 بلے باز پویلین لوٹ گئے تاہم واشنگٹن سُندر اور شاردُل ٹھاکر نے ساتویں وکٹ کے لیے 123 رنز کی پارٹنرشپ کر کے نہ صرف ٹیم کو بحران سے نکالا بلکہ آسٹریلیا کو زیادہ رنوں کی برتری بھی حاصل نہیں کرنے دی۔
شاردُل ٹھاکر کے آؤٹ ہونے کے بعد ٹیم سنبھل نہیں سکی اور 336 رنز پر ٹیم آؤٹ ہوگئی۔ شاردُل نے 115 گیندوں میں 67 رنز بنائے جبکہ سُندر نے 144 گیندوں میں 62 رنز کی شاندار اننگ کھیلی۔
آسٹریلیا کی جانب سے جوش ہیزل ووڈ سب سے کامیاب گیند باز رہے اور 5 بلے بازوں کو پویلین کی راہ دکھائی، اسٹارک اور پیٹ کمنز نے دو دو وکٹیں حاصل کیں جبکہ ناتھن لیون کے حصے میں ایک وکٹ آئی۔
