گزشتہ برس ماہ ستمبر میں راشٹرپتی بھون میں منعقد ایوارڈ تقریب کے دوران روہن بوپنا اور اسمرتی مندھنا کو ارجن ایوارڈ نہیں مل سکا تھا کیونکہ وہ بین الاقوامی ٹورنامنٹ میں حصہ لینے کے لیے ملک سے باہر تھے۔
واضح رہے کہ اسمرتی مندھنا بھارتی کرکٹ میں ایک بڑا نام ہے اور وہ بھارت کی سب سے کم عمر ٹی 20 کپتان ہیں۔
مندھنا رواں برس فروری میں عالمی درجہ بندی میں پہلے مقام پر پہنچی تھیں۔
اسمرتی مندھنا نے سنہ 2018 میں آئی سی سی کی بہترین خاتون کرکٹ کھلاڑی کو ایوارڈ حاصل کیا تھا، انہوں نے ایک سنہ 2018 کیلینڈر میں 12 یک روزہ میچوں میں 669 رنز جبکہ 25 ٹی 20 میچوں میں 622 رنز بنائے تھے۔
اس کے علاوہ ایشین گیمز 2018 میں ٹینس کے مردوں کے ڈبلز مقابلے میں طلائی تمغہ فاتح روہن بوپنا کے ایوارڈ حاصل کرنے کے بعد کہا کہ ارجن ایوارڈ ملنا میرے لیے فخر کی بات ہے اور مجھے خوشی ہے کہ مجھے اس ایوارڈ کے قابل سمجھا گیا۔
انہوں نے کہا کہ وزیر کھیل ملک میں اسپورٹس کے تئیں کافی فخر مند ہیں اور وہ کھیل کو نئی بلندیاں عطا کرنا چاہتے ہیں۔
