بھارت نے ویسٹ انڈیز کو گزشتہ روز گیانا میں کھیلے گئے تیسرے اور آخری ٹی 20 میچ میں 7 وکٹوں سے شکست دے کر تین میچوں کی سیریز پر 0-3 سے قبضہ کر لیا ہے۔
جبکہ ویسٹ انڈیز کی ٹی 20 فارمیٹ میں یہ 58 ویں شکست تھی اور وہ اس فارمیٹ میں سب سے زیادہ میچ ہارنے والی ٹیم بن گئی ہے۔
ویسٹ انڈیز کرکٹ ٹیم نے اس معاملے میں سری لنکا اور بنگلہ دیش کو پیچھے چھوڑ دیا ہے جو 57، 57 شکست کے ساتھ مشترکہ طور پر اب دوسرے نمبر پر ہیں۔
دلچسپ بات یہ ہے کہ ویسٹ انڈیز ٹیم دو مرتبہ آئی سی سی ٹی 20 ورلڈ کپ خطاب اپنے نام کر چکی ہے لیکن اتنی بڑی کامیابی کے بعد بھی اس کے نام ایک بڑا منفی ریکارڈ درج ہو گیا ہے۔
واضح رہے کہ بھارت نے ٹی 20 فارمیٹ کی تاریخ میں چوتھی مرتبہ کسی ٹیم کو 0-3 سے شکست دے کر کلین سویپ کیا ہے، اس سے قبل سنہ 2016 میں آسٹریلیا کے خلاف، سنہ 2017 میں سری لنکا کے خلاف اور سنہ 2018 میں ویسٹ انڈیز کے خلاف 0-3 سے سیریز اپنے نام کی تھی۔
