بی سی سی آئی کے خزانچی ارون دھومل نے کہا کہ بورڈ کے صدر سورو گنگولی بیماری سے صحت یاب ہو رہے ہیں اور انہیں آرام کا مشورہ دیا گیا ہے اس لیے سکریٹری جئے شاہ آئی سی سی بورڈ کی میٹنگ میں بی سی سی آئی کی نمائندگی کریں گے۔
واضح رہے کہ سابق کپتان اور موجودہ بی سی سی آئی صدر سورو گنگولی گزشتہ روز دل کا دورہ پڑنے کے بعد کولکاتہ کے نجی ہسپتال میں داخل کرایا گیا تھا جہاں ان کی انجیو پلاسٹی ہوئی اور ڈاکٹرز نے انہیں آرام کرنے کے لیے کہا ہے۔
بی سی سی آئی کے خزانچی ارون دھومل نے کہا کہ 'ہمارے سکریٹری (جئے شاہ) آئی سی سی بورڈ کے اگلے اجلاس میں بی سی سی آئی کی نمائندگی کریں گے کیونکہ دادا (گنگولی) بیماری سے صحتیاب ہو رہے ہیں اور انہیں آرام کا مشورہ دیا گیا ہے۔ یہ فیصلہ محض اسی میٹنگ کے لیے لیا گیا ہے۔
یہ بھی پڑھیں: سید مشتاق علی ٹرافی: کھلاڑیوں کی میچ فیس میں اضافہ
دھومل نے کہا کہ سکریٹری کو بورڈ کے اجلاس میں شریک ہونا ہے اس لیے مجھ سے کہا گیا کہ آئی سی سی کے سی ای سی اجلاس میں شرکت کریں جو حال ہی میں ورچوئل انداز میں ہوا تھا۔
آئی سی سی میٹنگ میں بھارت میں ہونے والے ٹی 20 ورلڈ کپ کے بارے میں بھی تبادلہ خیال کیا جائے گا۔
