جوہانسبرگ میں کھیلے جارہے چوتھے اور آ خری ٹسٹ میچ کے دوسرے دن جنوبی افریقہ کی پہلی اننگز میں شروعات اچھی نہ رہی۔ دوسرے دن کے اختتام تک جنوبی افریقہ نے چھ وکٹوں کے نقصان پر 86 رن بنا لئے ہیں۔میزبان ٹیم اب بھی انگلینڈ سے 312 رنوں سے پیچھے ہے۔
جنوبی افریقہ کے 29 رنوں کے مجموعی اسکور پر پیٹرملان15 رن بنا کر ووڈ کی گیند پر آؤٹ ہوئے۔
وین ڈر ڈیوسن بغیر کھاتہ کھولے کورین کی گیند پر بین اسٹوکس کے ہاتھوں کیچ آؤٹ ہوگئے۔
کپتان فاف ڈیوپلیسی بھی تین رن بنا کر ووکس کی گیند پر ایل بی ڈبلیو ہو گئے۔ٹمبا بواما (چھ رن)اور نورٹجے(6رن)بنا کر ووڈ کے شکار بنے ۔اسٹوکس نے ڈین ایلگر26 رنوں پر آؤٹ کیا۔
انگلینڈ کی جانب سے مارک ووڈ کو تین،سیم کورین،کرس ووکس اور بین اسٹوکس کو ایک ایک وکٹ ملا۔
اس سے قبل انگلینڈ کی پہلی اننگز 400 رنوں پر ڈھیر ہوگئی۔ انگلینڈ کی جانب سے کراویلی(66رن)کپتان جوروٹ(59رن)،پوپ(56رن)،کرس ووکس (32رن)،مارک ووڈ(35رن)اورکرس براڈ(43رن)بنا نمایاں اسکوررہے۔
جنوبی افریقہ کی جانب سے نورٹجے کو پانچ ،فلینڈر اور پیٹرسن کو دودووکٹ ملے۔
