کرکٹ اصلاحات سے متعلق سماعت ملتوی

سپریم کورٹ نے کرکٹ اصلاحات سے متعلق معاملات کے سلسلے میں ریاستی کرکٹ ایسوسی ایشن کی رٹ پیٹیشن کو نمٹا دیا جبکہ اس معاملے سے وابستہ مزید شنوائی کو جنوری کے تیسرے ہفتے سماعت ملتوی کردی۔

عدالت عظمیٰ نے بورڈ آف کنٹرول فار کرکٹ ان انڈیا (بی سی سی آئی) کے صدر سورو گنگولی، سکریٹری جے شاہ اور معاون سکریٹری جئیش جارج کے عہدے پر بنے رہنے سے متعلق درخواست پر سماعت اگلے سال جنوری تک کے لیے ملتوی کردی۔ ان کی مدت چندماہ قبل ختم ہوچکی ہے۔

بی سی سی آئی نے عدالت میں ایک عرضی داخل کرکے لوڈھا کمیٹی کے تشکیل کردہ آئین میں ترمیم کا مطالبہ کیا ہے۔ عدالت اب اس معاملے میں جنوری کے تیسرے ہفتے میں سماعت کرے گی۔