اترپردیش کرکٹ ایسوسی ایشن کے چیف ایگزیکٹو آفیسر دیپک شرما نے پیر کو بتایا کہ يوپی سی اے شائقین کی طرف سے خریدے گئے ٹکٹوں کی رقم واپس کرے گی۔
انہوں نے بتایا کہ کیش خریداری ٹکٹوں کی رقم کی ادائیگی 19 سے 22 مارچ کے درمیان صبح 11 سے شام پانچ بجے تک اسٹیڈیم کے گیٹ نمبر دو پر واقع پےٹي ایم کاؤنٹر پر ہو گی ۔
ٹکٹ کا پیسہ واپس لینے کے لئے شائقین کو ٹکٹ کے ساتھ اپنا آئیڈنٹیٹی کارڈ کی اصل کاپی اور فوٹو لانا ہوگی۔ ٹکٹ اور فوٹو کاؤنٹر پر جمع ہو جائے گا اور انہیں پیسہ واپس مل جائے گا۔
شرما نے بتایا کہ جن شائقین نے آن لائن ٹکٹ خریدے تھے، ان کا پیسہ براہ راست ان کے بینک اکاؤنٹس میں بھیجا جا رہا ہے۔
غور طلب ہے کہ ہندوستانی کرکٹ کنٹرول بورڈ (بی سی سی آئی) نے سیریز کے کولکتہ اور لکھنؤ میں کھیلے جانے والے میچوں کو منسوخ کئے جانے کا 13 مارچ کو اعلان کیا تھا جبکہ اسی دن بھارت اور جنوبی افریقہ کی ٹیمیں دھرم شالہ سے لکھنؤ پہنچی تھیں۔ دھرم شالہ میں پہلا ون ڈے میچ بارش کی وجہ سے نہیں ہو سکا تھا۔
