اکیڈمی نے مرحوم اداکار عرفان خان اور بھانو اتھئیا کو خراج تحسین پیش کرتے ہوئے کہا کہ ان سب کے جانے سے فلمی دنیا کو گہرا نقصان ہوا ہے۔
اس موقع پر اکیڈمی نے ان کامیاب فلم سازوں اور فنکاروں کو یاد کیا جو گذشتہ ایک سال میں اس دنیا سے چلے گئے ہیں۔
چاڈوک بوسمین اور ہالی ووڈ کے دوسرے ساتھیوں سمیت بھارت کے اداکار عرفان خان اور نامور کاسٹیوم ڈیزائنر بھانو اتھئیا کو یاد کیا گیا۔
اداکارہ فریدہ پنٹو نے عرفان خان کو خراج عقیددت پیش کرتے ہوئے ان کی فلموں کی فہرست شیئر کی۔
خراج عقیدت پیش کرتے فریدہ نے کہا کہ 'عرفان خان جیسا کوئی اور نہیں ہے۔'
واضح رہے عرفان خان کا انتقال گزشتہ برس اپریل 2020 میں ہو گیا تھا۔
بھانو اتھئیا نے گاندھی فلم کے لئے 1982 میں کاسٹیوم ڈیزائننگ کے لئے آسکر جیتا تھا۔ 2012 میں اتھئیا نے آسکر اکیڈمی آف موشن پکچر آرٹس اینڈ سائنسز کو سیف کیپینگ کے لئے ایوارڈ واپس کیا۔ اتھئیا نے اس فلم کے لئے بہترین لباس ڈیزائن کے لئے بافٹا ایوارڈ بھی جیتا تھا۔ ان کی موت 15 اکتوبر 2020 کو جنوبی ممبئی کے ایک میڈیکل سینٹر میں 91 سال کی عمر میں دماغی کینسر کی پیچیدگیوں سے ہوئی تھی۔
