لاک ڈاؤن کے دوران اب ودیا بالن کی آنے والی 'شکنتلا دیوی' کا نام بھی او ٹی ٹی پلیٹ فارم پر براہ راست فلمیں ریلیز کرنے کے رجحان میں شامل ہوگیا ہے، یہ بایوپک فلم اب ایمیزون پرائم پر ریلیز ہوگی۔
اداکارہ نے انسٹاگرام پر اس فلم کا نیا پوسٹر شیئر کیا اور اس کے بارے میں معلومات دیتے ہوئے لکھا، 'اعلان کرتے ہوئے خوشی ہو رہی ہے کہ آپ جلد ہی پرائم ویڈیو پر اپنے تمام چاہنے والوں کے ساتھ 'شکنتلا دیوی' کو دیکھیں گے۔ ہم اس مشکل وقت میں آپ کی تفریح کرکے خوش ہوں گے۔ حالانکہ فلم کی اسٹریمنگ کی تاریخ ظاہر نہیں کی گئی ہے۔
واضح رہے کہ یہ فلم 8 مئی کو سینما گھروں میں ریلیز ہونے والی تھی لیکن کورونا وائرس کی وبا کے بعد لاک ڈاؤن نے شیڈول خراب کردیا اور اب بالآخر اسے براہ راست ڈیجیٹل پلیٹ فارم پر ریلیز کیا جارہا ہے۔ ودیا بالن کے علاوہ آیوشمان کھورانا اور امیتابھ بچن اسٹارر کی سب سے زیادہ انتظار میں آنے والی فلم 'گلابو سیتابو' بھی ایمیزون پر ریلیز ہونے جارہی ہے۔ اسی سلسلہ میں نوازالدین صدیقی کی اگلی کامیڈی ڈرامہ فلم 'گھومکتو' کو جی5 پریمیئر کیا جانا ہے۔
