کبیر خان نے سلمان کے ساتھ مل کر فلم ’ایک تھا ٹائیگر‘ بنائی تھی حالانکہ اس سیریز کی دوسری فلم کی ہدایتکاری علی عباس ظفر نے کی تھی ۔ ایسا کہا جارہا ہے کہ کبیر خان ایک بار پھر سلمان خان کے ساتھ ٹائیگر سیریز کی تیسری فلم بنانے جا رہے ہیں۔ علی کی سفارش پر سلمان خان اور کبیر خان ’ٹائیگر‘ سیریز کی تیسری فلم کے لئے ایک ساتھ منسلک ہو رہے ہیں۔
ایسا خیال ہے کہ 'ٹائیگر' سیریز کی تیسری فلم اپنے ابتدائی مراحل میں ہے اور ابھی اس کی باضابطہ تصدیق ہونا باقی ہے۔ سلمان خان کی آنے والی فلموں میں ہدایتکار پربھو دیوا کی فلم ’رادھے: یور موسٹ وانٹیڈ بھائی‘ اہم ہے۔ اس فلم میں سلمان خان کے علاوہ دیشا پاٹنی ، جیکی شراف اور رندیپ ہڈا کے بھی اہم کردار ہیں۔
کبیر خان کی آنے والی فلم '83' کورونا وائرس کی وجہ سے ریلیز نہیں ہوپائی ہے۔
