ایف ایم سی جی سیکٹر کی کمپنی ہندوستان یونیلیور نے گورے پن کی کریم کی حیثیت سے تشہیر کی جانے والی اپنی فیئرنس کریم 'فیئر اینڈ لولی' کے نام سے 'فیئر' کا لفظ ہٹانے کا اعلان کیا ہے۔
کمپنی نے جمعرات کے روز بی ایس ای کو مطلع کیا کہ ریگولیٹری منظوری کے بعد کریم کا نام تبدیل کر دیا جائے گا۔ کمپنی آئندہ چند مہینوں میں کریم کا نام تبدیل کرنے کی اُمید ظاہر کی ہے۔ کمپنی کا کہنا ہے کہ یہ قدم خوبصورتی کو وسیع پیمانے پر لینے کے برانڈ کے فیصلے کے حصے کے طور پر اٹھایا گیا ہے۔ کمپنی جلد کے تمام رنگوں کو مساوی اہمیت دینے کے لئے پرعزم ہے۔
کمپنی نے اطلاع دی ہے کہ اس نے گزشتہ سال کے آغاز سے ہی کریم کے فائدے سے گورپن کا اشتہار دینا بند کردیا تھا۔ اب اس کی تشہیر میں چمک، اسکن ٹون، اسکن کلیریٹی وغیرہ الفاظ استعمال کیے جاتے ہيں۔ فیئر اینڈ لولی کے پیکٹ سے بھی کم رنگت کی تصویر ہٹا دی گئی ہے۔
