معروف اداکار امیتابھ بچن نے اپنی آنکھوں کی بینائی کے تعلق سے تشویش کا اظہار کیا ہے۔انہیں خوف ہے کہ ان کی آنکھوں کی روشنی کہیں ختم نہ ہوجائے۔
امیتابھ بچن نے اپنے بلاگ میں تشویش کا اظہار کرتے ہوئے لکھا کہ مجھے کبھی کبھی دھندلا دھندلا نظر آتا ہے اور ابھی کچھ دنوں سے میرے انکھوں کے سامنے دو دو تصویریں بننے لگی ہیں۔مجھے لگتا ہے کہ میں جلد اپنی آنکھوں کی روشنی کھو دوں گا۔
اداکار نے اپنی ماضی یادوں کو تازہ کرتے ہوئے مزید لکھا کہ کیسے جب ان کی آنکھوں میں تکلیف ہوتی تھی تو ان کی والدہ علاج کرتی تھی۔ مجھے وہ دن آج بھی یاد ہیں جب ماں اپنی ساڑی کی پلو کو ایک چھوٹی گیند کی شکل دے کر اسے گرم کرنے کے لیے منہ سے پھونک مارتی تھی اور اسے میری آنکھوں میں رکھ دیتی تھی اور چٹکی بجاتے ہیں ساری پریشانیاں دور ہوجاتی تھی۔
امیتابھ نے یہ بھی بتایا ہے کہ ان کے ڈاکٹروں نے یقین دلایا ہے کہ ان کی آنکھوں کی روشنی نہیں جائے گی اور کہا کہ میں نے ڈاکٹر سے بات کی ہے اور ان کے ہدایت پر عمل کررہا ہوں اور ہر گھنٹے انکھوں کی دوائی لے رہا ہوں۔انہوں نے مجھے یقین دلایا کہ وہ اندھے نہیں ہوں گے۔
